કેન્દ્ર સરકારનો મોટો નિર્ણય, તૂટેલા ચોખા પર પ્રતિબંધ

 કેન્દ્ર સરકારનો મોટો નિર્ણય, તૂટેલા ચોખા પર પ્રતિબંધ

નવી દિલ્હીઃ કેન્દ્ર સરકારે આજે એક મોટો નિર્ણય લેતા બ્રોકન રાઇસ પર પ્રતિબંધ લગાવી દીધો છે.  વિદેશ વેપારના મહાનિર્દેશક સંતોષ કુમાર સારંગી દ્વારા સૂચનામાં આ માહિતી આપવામાં આવી છે.  નોટિફિકેશનમાં કહેવામાં આવ્યું છે કે દેશમાં તૂટેલા ચોખાની નિકાસ પરનો પ્રતિબંધ 9 સપ્ટેમ્બર 2022થી લાગુ થઈ ગયો છે.

આ સાથે વિવિધ ગ્રેડની નિકાસ પર 20 ટકા ડ્યુટી લાદવામાં આવી છે.  જણાવી દઈએ કે ચીન પછી ભારત ચોખાનો સૌથી મોટો ઉત્પાદક દેશ છે.  ચોખાના વૈશ્વિક વેપારમાં ભારતનો હિસ્સો 40 ટકા છે, ત્યારે ભારતે આ વર્ષે મે મહિનામાં ઘઉંના શિપમેન્ટ પર પ્રતિબંધ મૂક્યો હતો અને કહ્યું હતું કે દેશની ખાદ્ય સુરક્ષા જોખમમાં છે કારણ કે ઘણા રાજ્યો રેકોર્ડબ્રેક ગરમીથી પ્રભાવિત થયા હતા. ઉત્પાદનમાં ઘટાડો થયો હતો.

भारत ने आज से टूटे चावल के निर्यात पर प्रतिबंध लगा दिया है। pic.twitter.com/ZzdcuC0T92

— ANI_HindiNews (@AHindinews) September 9, 2022

કૃષિ મંત્રાલયના જણાવ્યા અનુસાર, વિશ્વના બીજા સૌથી મોટા ઉત્પાદક ભારતમાં ચોખાના કુલ વાવેતરમાં આ સિઝનમાં અત્યાર સુધીમાં 12%નો ઘટાડો થયો છે.  કૃષિ મંત્રાલયે જણાવ્યું હતું કે ડાંગરનું વાવેતર 12 ઓગસ્ટ સુધીમાં ઘટીને 30.98 મિલિયન હેક્ટર (76.55 મિલિયન એકર) થઈ ગયું છે, જે એક વર્ષ અગાઉ 35.36 મિલિયન હેક્ટર હતું.