અમૂલે દૂધના ભાવમાં વધારો કર્યો છે. બજેટમાં સામાન્ય માણસ માટે ઘણી રાહતની જાહેરાતો કરવામાં આવી હતી, પરંતુ આ ખુશી વચ્ચે ફરી એકવાર મોંઘવારીનો આંચકો લાગ્યો છે. અમૂલ કંપનીએ દૂધના ભાવમાં પ્રતિ લીટર 3 રૂપિયા સુધીનો વધારો કર્યો છે. અમૂલ કંપની દ્વારા માહિતી આપવામાં આવી છે કે દૂધના વધેલા ભાવ આજથી એટલે કે 3 ફેબ્રુઆરીથી લાગુ થશે.
હવે 1 લીટર દૂધ 54 રૂપિયામાં મળશે
અમૂલ કંપનીનું અડધો લિટર દૂધ હવે 27 રૂપિયામાં મળશે, જ્યારે 1 લિટરના પેકેટ માટે 54 રૂપિયા ચૂકવવા પડશે. આ સિવાય અમૂલ ગોલ્ડનું અડધો કિલોનું પેકેટ એટલે કે ફુલ ક્રીમ દૂધ હવે 33 રૂપિયામાં અને તે જ ગુણવત્તાનું દૂધ 1 લીટરના 66 રૂપિયામાં મળશે.
ગાયના દૂધના ભાવમાં પણ વધારો થયો છે
અમૂલ કંપનીએ પણ ગાયના દૂધના ભાવમાં વધારો કર્યો છે. હવે 1 લિટર ગાયના દૂધની કિંમત 56 રૂપિયા થઈ ગઈ છે, જ્યારે અડધો લિટર ગાયનું દૂધ 28 રૂપિયામાં મળશે. ભેંસનું A2 દૂધ હવે 70 રૂપિયા પ્રતિ કિલોના ભાવે મળશે.
અમૂલે છેલ્લા 1 વર્ષમાં કિંમતમાં 8 રૂપિયાનો વધારો કર્યો છે
અચ્છે દિનને લઈને કોંગ્રેસે ટ્વીટ કરીને કેન્દ્ર સરકાર પર નિશાન સાધ્યું છે. કોંગ્રેસે લખ્યું છે કે અમૂલ કંપનીએ છેલ્લા એક વર્ષમાં દૂધના ભાવમાં પ્રતિ લિટર રૂ.8નો વધારો કર્યો છે.
0 Comments: