જીરાના પાકમાં ચરમીના રોગનું સચોટ નિયંત્રણ કાળીયો અથવા ચરમીની ઓળખ

 

કાળીયો અથવા ચરમીની ઓળખ :-

• પાક જયારે 30 થી 35 દિવસનો થાય એટલે આ રોગ જોવા મળે છે. શરૂઆતમાં પાન પર નાના કથ્થાઇ રંગના ટપકાં જોવા મળે છે. જેનું કદ સમય જતાં વધે છે અને ડાળીયો પર બદામી રંગની પટ્ટી જેવા મળે છે.

• રોગપ્રેરક ફુગને અનુકૂળ વાતાવરણ મળતાં ખૂબ જ સક્રીય બની ઝડપથી ફેલાવા લાગે છે અને અંતે આખા છોડ કાળા પડી ને સુકાઇ જાય છે. તેથી તેને કાળીયો રોગ પણ કહે છે.

• રોગીષ્ટ છોડ પર કુલ બેસતા નથી અને જે દાણા બેસે તો પણ તે ચીમળાયેલા અને વજનમાં હળવા હોય છે.

કાળીયો અથવા ચરમી આવવાના કારણ :-

• એકમ વિસ્તારમાં છોડની વધુ પડતી સંખ્યા .

• કમોસમી વરસાદ.

• વાદળછાયું વાતાવરણ.

• કયારામાં વધુ પડતો પાણીનો ભરાવો.

અમારા વોટ્સએપ ગ્રુપમાં જોડાવા માટે અહીં ક્લિક કરો

નિયંત્રણ

• લાંબાગાળાના પાકની ફેરબદલી કરવી.

• રોગમુક્ત બીયારણની વાવણી માટે પસંદગી કરવી.

• 15 થી 25 ઓકટોબર વચ્ચે વાવણી કરવી.

• પુંખીને વાવેતર કરવાની જગ્યાએ 30 સે.મી.ના ગાળે ચાસમાં વાવણી કરવી અને પિયત બાદ આાંતર ખેડ કરવી.

• ક્યારા ખૂબ જ નાના ને સમતલ બનાવવા જેમાં હલકુ પિયત આપવું.

• વાદળછાયા વાતાવરણમાં પિયત આપવાનું ખાસ ટાળવું.

• નાઇટ્રોજનયુક્ત ખાતર ભલામણ મુજબ જ આપવું.

• ઘઉં, રજકો અને રાયડા જેવા વધુ પાણીની જરૂરીયાતવાળા પાકોની બાજુમાં જીરૂનું વાવેતર કરવું ના જોઈએ

• રોગ આવવાની રાહ જોયા વિના, પાક જયારે 30 થી 35 દિવસનો થાય ત્યારે પનાકા એમ 45 (મેંન્કોઝેબ 75% ડબલ્યુપી) 45 ગ્રામ પ્રતિ પંપ સાથે પાકના જુસ્સાદાર વૃદ્ધિ વિકાસ માટે સ્ટેલર 25 મિલી પ્રતિ પંપ છંટકાવ કરવો. ત્યારબાદ 10 દિવસના અંતરે વધુ ત્રણ છંટકાવ કરવા